Juventusi po mendon gjithmonë për rastin nëse trajneri i tij Mauricio Sarri dështon të përmbushë objektivat e klubit në këtë sezon. Sipas mediave italiane dhe britanike, drejtuesit e klubit bardhezi janë vënë në lëvizje dhe kanë kontaktuar persona të afërm dhe menaxherin e ish-trajnerit të Totenhemit Mauricio Poketino.
Edhe pse klubi e ka falaur Sarrin për humbjen e Kupës dhe Superkupës së Italisë, rezultatet zhgënjyese në javët e fundit në kampionatin italian e kanë lëkundur ndjeshëm pozitën e ish-trajenrit të Napolit dhe Çelsit në Torino.
Poketino u tentua dhe gjatë verës për të zëvendësuar Masimiliano Alegrin, por Juventusi nuk mundi ta bindte teknikun argjentinas.
Ai preferon skemat 4-2-3-1 dhe 4-3-3 dhe mendohet se nuk do të vështirësi për t’u përshtatur me futbollin italian nëse pranon të drejtojë në Serinë A.
Një tjetër kandidat për stolin e Juventusit është dhe Zinedin Zidan, por pas shpalljes kampion në Spanjë me Realin, francezi duket se ka hedhur një tjetër hap për të vazhduar punën në Madrid.
