“Qyteti nuk mund të përballojë grumbullimet e njerëzve në numra të mëdhenj. Prandaj të mërkurën qëndroni të sigurt, pranë familjarëve, miqve dhe fqinjëve”.
Është ky paralajmërimi i policisë dhe autoriteteve lokale të qytetit të Liverpulit për ditën e mërkurë, kur “Reds”-at do të ngrenë trofeun e Premier Ligës pas ndeshjes kundër Çelsit. Ndeshjet e këtij sezoni po luhen me dyer të mbyllura, por në takimin ku Liverpuli do të ngrejë trofeun e parë të Premier Ligës pas 30 vitesh, ekziston rreziku i grumbullimeve jashtë stadiumit në këtë kohë pandemie.
Edhe klubi u ka bërë thirrje njerëzve që të qëndrojnë në shtëpi dhe të festojnë në një moment më të përshtatshëm.
