Pritet të nisë mbledhja e Komisionit të Etikës, e cila do të jetë për dyshimet në ndeshjen e gjysmëfinales së Kupës, mes Bylisit dhe Tiranës në Ballsh, e fituar nga vendasit 2-1, por për mënyrën se si rrodhën ngjarjet, ka ngritur dyshimet të forta për trukim.
pjimage
Pak ditë pasi mori dëshminë nga të gjitha palët, Komisioni i Etikës, shumë shpejt pritet të dalë me një vendim përfundimtar për sa i përket kësaj ndeshje.
Megjithatë teksa pritet të zhvillohet mbledhja ditën e sotme, në FSHF ka mbërritur vetëm kryetari i Komisionit të Etikës, Fatmir Braka, i cili në një video të siguruar nga “Panorama Sport”, shihet teksa zbarkon në ambientet e FSHF.
