Inter dhe Fiorentina u ndanë në paqe në një barazim pa gola në ndeshjen e djeshme në San Siro. Zikaltërit nuk arritën më shumë se një pikë duke i lëshuar me këtë rast vendin e dytë Atalantës për ë ngecur në vendin e tretë në renditje dhe për të thelluar edhe më shumë hendekun e pikëve me Juventusin.
Trajneri i Interit, Antonio Conte i cili është në qendër të kritikave kohët e fundit tha se është e pakuptimtë nëse skuadra e tij fiton edhe vendin e dytë. Sipas Conte-s vendi i dytë është i pari i humbësve. Pak ditë më parë ai akuzoi se pse të gjithë merren me Interin dhe jo me Romën, Milanin e Napolin që vitin tjetër do e shohin Champions League nga shtëpia.
‘’Vendi i dytë është i pakuptimtë në sytë e mi, është vetëm për të parët nga humbësit’’- deklaroi Conte.
Inter e ka siguruar pjesëmarrjen vitin tjetër në Champions League por nga një pretendent për titull vitin e shkuar në Seria A tashmë është jashtë loje.
