Pavarësisht se po shkëlqen këtë periudhë, rinovimi i mesfushorit Hakan Çalhanoglu me “Djallin” është kthyer në çështje delikate. Sipas “La Gazzetta dello Sport”, lojtari turk mendon të rikthehet në Gjermani. Herta e Berlinit dhe Lajpcigu e presin mesfushorin t’u bashkohet gjatë verës në vijim, edhe pse po kalon formën më të mirë gjatë tri viteve që luan për Milanin.
Lajmi ka bërë xhiron e rrjetit, teksa ka qenë vetë numri 10 që ka përgënjeshtruar gjithçka. Nëpërmjet një postimi në profilin personal “Instagram”, 25- vjeçari ka deklaruar me tone të qarta: “Sa shumë lajme të rreme po qarkulluakan sot për mua nëpër media”.
Sikur të mos mjaftonte deklarata, fantazisti shfaqi ndjenjat e tij duke puthur fanellën pas golit të djeshëm.
