Quique Setien nuk do të largohet nga Barcelona. Trajneri sot ka marrë një lajm të mirë nga presidenti i klubit katalanas, Josep Maria Barrtomeu.
Edhe pse është folur për një shkarkim të tij pas rezultateve negative pas karantinës, Bartomeu ka theksuar se synimi i Barcelonës është krejt tjetër.
“Setien nuk ka qenë kurrë në diskutim. Pavarësisht se nuk fituam titullin kampion, duhet të shohim përpara. Reali na parakaloi në tabelën e klasifikimit, por duhet theksuar se VAR-i nuk u menaxhua siç duhet në pjesën e fundit të kampionatit”, ka thënë Bartomeu.
“Setien mund të na dhurojë trofeun e Champions League. Ai ka kontratë edhe për sezonin e ardhshëm. Kam besim tek ai dhe stafi teknik”, ka shtuar numri 1 i klubit.
