Milani ka nisur të projektojë të ardhmen dhe do ta bëjë atë me dyshen Ibrahimovic-Donnarumma, duke shtuar edhe Calhanoglu këtu. Jashtë planeve, për momentin, Bonaventura.
Sipas asaj që raporton SportMediaset në Italia Uno, që Zlatan Ibrahimovic të rinovojë kontratën e tij, kushtet që i ka vendosur Milanit janë këto të dyja: forcimin e ekipit në merkato dhe 6 mln euro rrogë!
Klubi kuqezi, që do të takohet me Mino Raiola deri tani ofron 4 mln euro dhe ka ndër mend të përfshijë një bonus rreth 2 mln euro për fitimin e titullit dhe një tjetër më të vogël në rast kualifikimi në Champions League.
Lidhur me të ardhmen e Gigio Donnarumma, SportMediaset raporton se rruga duket të jetë mjaft e përpjetë: gjithçka shkon drejt rinovimit deri në vitin 2023 me rrogën aktuale, pra 6 mln euro, plus edhe një bonus 2 mln euro në rast fitimi të titullit.
