Komisioni i Disiplinës së UEFAS ka përjashtuar me 10 vjet nga kupat e Europës ekipin e korçar të Skënderbeut.
Klubi i Skënderbeut është dënuar me 10 vite përjashtim nga të gjitha kompeticionet e UEFA-s. Komisioni i Disiplinës në UEFA, ka marrë vendimin drastik për klubin korçar, duke i dhënë kështu një përjashtim shumë të rëndë.
Skënderbeu është dënuar në vendimin e datës 7 shkurt 2018, nga komisionet disiplinore pranë organit më të lartë të organizatës europiane të futbollit.
Më vonë, do të zbardhim edhe detaje të reja nga vendimi i UEFA-s.
Gjithashtu klubi korçar ka marrë edhe një gjobë të majme prej 1 milionë eurosh.
Mbetet të shihet se çfarë qëndrimi do të ndërmarrë klubi korçar, pasi ky është një dënim shembull, që UEFA nuk e kishte marrë asnjëherë më parë, pasi bazohet në ndryshimet e koeficienteve të basteve në disa prej ndeshjeve të tyre, kryesisht në grupet e Europa League.
VENDIMI I PLOTË I UEFAS