Disa tifozë të PSG u mblodhën në “Champs-slysées”, të tjerët jashtë “Parce des Princes”, për të festuar fitoren 3-0 ndaj Leipzig në gjysmëfinale të Ligës së Kampionëve. Skuadra kryeqytetase francize arriti një sukses historik, duke shkuar për herë të parë në finalen e këtij kompeticioni, ku do të presë më 23 gusht Bayern Munich ose Lyon, fituesin e çiftit tjetër gjysmëfinalist, që do të luhet sonte në Lisbonë.
Duke pasur parasysh situatën e pandemisë së Covid-19, policia ndërhyri menjëherë për t’i shpërndarë tifozët, sepse nuk lejohen grumbullimet. Situata e koronavirusit në Francë është përkeqësuar ndjeshëm gjatë javëve të fundit. Sikurse duket dhe në video, pati edhe konfrontime mes palëve, ndërsa policia përdori gaz lotsjellës për ta spastruar sheshin e Parisit.
