Teuta është kualifikuar tri herë gjatë historisë së saj në ture të kompeticioneve europiane. Skuadra bregdetare, në të gjitha pjesëmarrjet e saj në turet e Europës, ia ka dalë me sukses në sezonin 1995-’96, atë 2002- 2003 si dhe kualifikimi i djeshëm përballë Beitarit. Herën e parë, Teuta ka eliminuar finlandezen e TPS Turkut.
Në kompeticionin e Kupës së Kupave, Teuta eliminon finlandezët në turin kualifikues dhe më pas eliminohet nga Parma. Në vitin 2002, Teuta kalon nga turi i parë në të dytin, teksa eliminon Valetën në Kupën Intertoto. Në turin e dytë eliminohet nga skuadra rumune Gloria Bistria. Dje, skuadra e drejtuar nga Edi Martini kaloi në turin e dytë të Europa Ligës duke eliminuar Beitar Jerusalemin.
