Njësoj si shoku i skuadrës, edhe futbollisti i Shqipërisë U21 Jurgen Çelhaka kërkon që Shqipëria të fitojë medoemos ndaj Austrisë në fushën e këtyre të fundit në kuadër eliminatoreve të kampionatit europian për 21-vjeçarët.
Për sa i përket objektivave të Shpresave, mesfushori i Tiranës deklaroi se ekipi duhet të fitojë ndeshjen me rivalët austriakë dhe pastaj të mendojë për Andorrën.
“Kundërshtari – Normalisht që e ka studiuar trajneri ajo është detyra e tij. Ne do të zbatojmë detyrat e trajnerit dhe shpresoj të marrim maksimumin atje.
Barazimi i pranueshëm – Vetëm fitorja është rezultat pozitiv.
Ndeshje tifozë – Nuk mendoj se është diçka pozitive, po dhe as negative mendoj është njësoj si me tifozë, si pa tifozë.
Klima te Shqipëria U21 – Është një atmosfeë shumë e mirë, grupi është i bashkuar, kemi lojtarë shumë të mirë, shpresojmë të arrijmë objektivat.
Objektivi i ekipit- Të fitojmë ndeshjen e radhës, pastaj të mendojmë për Andorrën”, përfundoi mesfushori i Shqipërisë U21 dhe Tiranës Jurgen Çelhaka.
