Tenisti zviceran Roger Federer ka mundur sot në mbrëmje 2-1 holandezin Robin Haase në çerekfinalet e turneut të Roterdamit (4-6, 6-1, 6-1). Por ky sukses i zviceranit është shumë i veçantë, pasi nga dita e hënë, Federer do të jetë zyrtarisht “Numri 1” në botë për meshkuj, duke u bërë tenisti më i vjetër në moshë që arrin këtë rezultat. Një arritje fantastike e Federer, që kap sërish majën e renditjes botërore në moshën 36-vjeçare e 6 muaj, duke kaluar në këtë klasifikim ikonën Andre Agassi (33 vjeç e 131 ditë).
