Hera e parë e Timo Werner në Premier League ka qenë gjithsesi një sukses.
Chelsea ka fituar 3-1 në javën e parë kundër Brighton, por përballja e tij me kampionatin anglez ka qenë më e komplikuar nga sa parashikohej, veçanërisht për sa i takon dueleve me mbrojtësit kundërshtarë.
Gjermani ka komentuar ndeshjen e tij të parë zyrtare në Premier League pas takimit, duke u shprehur i befasuar për diferencat me Gjermaninë dhe Bundesliga-n:
“Besoj se ka qenë një ndeshje e vësh tirë, veçanërisht pas 1-1, por, fatmirësisht, Reece ka bërë një gol të madh. Jemi të lumtur për fitoren”.
Dhe më tej: “Mënyra e lojës është krejtësisht ndryshe në krahasim me atë që isha mësuar në Gjermani. Jam përballur me tre mbrojtës shumë të gjatë dhe të fortë fizikisht. Në Bundesliga nuk i gjen. Jam i kënaqur me ndeshjen time të parë dhe fitoren e skuadrës”, ka përfunduar Werner.
