Ankthi për përgjigjen e testeve te Tirana ka marrë fund, teksa bardheblutë janë të pastër para sfidës ndaj Jang Bojs të enjten e 1 tetorit.
Pas testeve të kryera ditën e djeshme, Tirana ka marrë përgjigjet ditën e sotme, aty ku të gjithë kanë dalë negativë dhe do të jenë të gatshëm për sfidën që do luhet në Zvicër.
Tashmë te bardheblutë janë të qetë dhe po e përgatisin me kujdes ndeshjen për “play off”, aty ku ata do të kërkojnë arritjen historike duke u kualifikuar në fazën e grupeve të Ligës së Europës.
Njoftimi i klubit:
Ditën e djeshme datë 28.09.2020, lojtarët, stafi dhe delegacioni kanë kryer tamponët e testeve të COVID-19. Nga përgjigjet e këtyre analizave cdo person ka rezultuar negativ. Ekipi do të vazhdojë të stërvitet normalisht, pa mungesa dhe ditën e nesërme udhëton drejt Zvicrës. Gjithashtu sot në orën 15:30, trajneri Emanuel Egbo dhe kapiteni Idriz Batha do t’u përgjigjen pyetjeve të gazetarëve. Seanca stërvitore do të jetë e hapur për median vetëm 15 minuta.
