Gjatë ndeshjes mes Totenhemit dhe Çelsit, pati një debat mes dy trajnerëve të skuadrave, Hoze Murinjos dhe Frenk Lampard. Pas takimit, Lampard ka zbuluar se çfarë i ka thënë portugezit.
“Murinjo po fliste më shumë me gjyqtarin sesa me lojtarët e tij, kështu që ishte vetëm një moment keqkuptimi. Unë shkoj mirë me Murinjon dhe besoj se edhe ai ma aprovon këtë. Kam respekt të madh për të pavarësisht debatit që patëm.
Mendoj se ai po e ndjente shumë presionin e pjesës së parë dhe sidomos rezultatin. Gjithçka u sqarua, dhe ishim mirë në fundin e ndeshjes”, përfundoi Lampard.
