Edhe pse nuk do të luajë sot në një nga ndeshjet më të rëndësishme në historinë e Kosovës, sulmuesi i Kosovës Vedat Muriqi tregon se është gjithmonë shpirtërisht me skuadrën “Dardane”.
Përpara ballafaqimit me Maqedoninë e Veriut në fazën “play-off” të Ligës së Kombeve (takim me rëndësi për kualifikim në EURO 2021), futbollisti i Lacios i dërgon mesazh inkurajues shokëve të skuadrës për të dhënë gjithçka sot në fushë kundër rivalëve fqinj.
“Suksese, djem! Unë dhe gjithë Kosova, zemrën e kemi me ju!”, shkruan Muriqi.
Muriqi nuk është lejuar nga klubi i tij Lacio për t’iu bashkuar Kosovës për ndeshjet e Ligës së Kombeve të muajit tetor.
