Me një gol në Bundesligë që në moshën 17-vjeçare, talenti i Bajernit Xhamal Musiala ka përpara një të ardhme plot shpresë në Bundesligë. Federata Gjermane e Futbollit konfirmon se ajo është ende në kontakte me talentin e lindur në Gjermani për mundësinë që ai t’i bashkohet kombëtares së saj në të ardhmen.
I lindur nga një nënë gjermane dhe baba nigerian, ai e ka kaluar pjesën më të madhe të jetës në Londër dhe sot ka regjistruar 22 prezenca me kombëtaret e moshave të “Tre Luanëve”, U-15, U-16 dhe U-17. Ai ka qenë pjesë e akademisë së Çelsit.
Por, lojtari i lindur në Shtutgart ka luajtur edhe dy ndeshje me skuadrën U-16 të Gjermanisë. Talenti që luan në shumë role në sulm, do të mbajë në ankth për një kohë relativisht jo të shkurtër Anglinë dhe Gjermaninë, përpara se të bëjë zgjedhjen përfundimtare.
