Ikona e futbollit italian dhe europian Françesko Toti humbi sot të atin, Enzo, si pasojë e degradimit të shëndetit prej koronavirusit.
76-vjeçari kishte pësuar vite më parë një infarkt të fortë dhe nuk i lejohej të udhëtonte jashtë Romës. Për shkak të shëndetit të dobët, koronavirusi përshpejtoi vdekjen e tij.
Ish-kapiteni legjendar i Romës shprehu dhimbjen për humbjen e njeriut të zemrës.
“Gjithçka që më mësove do t’ua transmetoj fëmijëve të mi. Faleminderit për gjithçka, baba, ‘Sherif’!”, shkruan në rrjetet sociale ish-numri 10 i famshëm i futbollit italian.
Enzo e mbështeti të birin gjatë gjithë jetës së tij. Ai e ndiqte gjithmonë në stadiume, por përpara disa vitesh, ai pësoi një infarkt dhe mjekët nuk e lejuan që të udhëtonte jashtë qytetit.
