Kapiteni i Barcelonës, Andres Iniesta thotë se trajneri i tyre i mëparshëm Luis Enrique do të arrinte suksese te Chelsea.
Barca do të udhëtoj për në Stamford Bridge këtë javë, ku do të takohet me londinezët në kuadër të 1/16 së finales së Ligës së Kampionëve.
Iniesta, i cili luajti bashkë me bashkatdhetarin si një lojtar dhe nën atë si menaxher, tha “se Luis Enrique është një trajner i shkëlqyer”.
“Në Barcelonë, ai tregoi nivelin e pabesueshëm që ka arritur dhe mendoj se mund të fitojë trofe në çdo klub – kjo përfshin edhe Chelsean. Nuk do të jetë e lehtë sepse Chelsea është një nga klubet më të mëdha në botë.
“Por kur shihni se çfarë ka zhvilluar Enrique në Barcelonë, atëherë mendoj se është e mundur. Liga Premier është një garë e ashpër, por për mua, ai është i aftë të menaxhojë ndonjë klub të madh anglez”, tha spanjolli.
Ndryshe, trajneri ka fituar të gjitha trofetë e mundshme me katalunasit duke përfshirë edhe Ligën e Kampionëve.
Chelsea dhe Barcelona do të takohen gjatë ditës së marte rreth orës 20:45.
