Sot në “San Siro”, Milani dhe Roma do të përballen në kuadër të javës së pestë të kampionatit italian. Për Alesandro Kostakurtën, kushdo që do ta shohë takimin duhet të presë spektakël. Në një deklaratë për “SKY”, ish-mbrojtësi i “Djalli” deklaroi:
“Milani tashmë ka dëshmuar se mund të qëndrojë në vendet e larta të kampionatit italianë. Nisja e tyre drejt majës nisi pikërisht në sfidën e qershorit kundër Romës. Arsyeja mendoj se është mentaliteti i futbollistëve kuqezi.
Në “San Siro” parashikoj spektakël dhe një duel cilësor mes dy skuadrave që kanë lojtarë shumë të shpejtë, të cilët e kërkojnë topin dhe dinë se si ta përdorin. Sipas mendimit tim të jetë një sfidë që do të lartësojë futbollin italian”.
