Pandemia ka tronditur bindshëm themelet e futbollit italian dhe jo vetëm, ndonëse nga gadishulli Apenin lëshojnë alarmin se me fillimin e këtij sezoni, në arkat e 20 klubeve të Serisë A mungojnë në total 600 milionë euro, të cilat kanë humbur nga e drejta televizive dhe largimi i mjaft sponsorëve.
Disa zëra thonë se mjaft klube të mesit dhe fundit të tabelës në Itali ndoshta nuk do të kenë mundësi që të paguajnë as rrogat e muajit nëntor, ndonëse për momentin nuk është se vijnë konfirmime nga asnjë prej skuadrave. Gjithsesi, ajo që duket e sigurt është se mungesa e tifozëve në stadiume është një barrë që ekipet e Serisë A po e vuajnë shumë, madje janë në limitet e mbijetesës.
