Interi po mundohet që të rinovojë kontratën me mbrojtësin Stefan de Vrij. Drejtuesit e klubit duan të nisin bisedimet me menaxherin e tij Mino Raiola për të zgjatur kontratën.
Kontrata e holandezit skadon në qershorin e 2023 dhe italianët nuk duan që ta humbasin. De Vrij mbetet një nga liderët e mbrojtjes së zikaltërve, për të mos thënë shtylla më e rëndësishme.
De Vrij është i kënaqur me Interin, por ana financiare luan një rol të rëndësishëm. Kur ke në krah një agjent si Raiola, sigurisht që dhe negociatat janë shumë të vështira.
