PSG nuk di të ndalet në Ligue 1.
Pavarësisht mungesave të shumta në ekipit, me Neymar-in që ka qenë i fundit që i është shtuar listës, skuadra e Tuchel ka fituar 3-0 në transfertë kundër Nantes.
Protagonisti absolut i ndeshjes ka qenë Kylian Mbappe, autor i golit të dytë dhe asistit për golin e parë të shënuar nga Herrera. Sulmuesi i kampionëve të Francës është lojtari i parë që është përfshirë në realizimin e 11 golave në këtë sezon të Ligue 1: 7 gola, 4 asiste.
Goli i tretë i PSG-së është realizuar nga Sarabia.
Ka shkëlqyer për miqtë edhe Keylor Navas, i cili ka pritur një penallti në minutën e 69-të, kur rezultati ishte 2-0.
Parisi kryeson renditjen me 21 pikë, ndërsa Nantes është në vendin e 15-të me 8 pikë.
