Legjenda e futbollit holandez, Marco van Basten, foli për kohën që ishte trajner. Ai e pranoi se nuk ishte i mirë në atë pozicion dhe bëri mirë që u tërhoq.
“Nuk jam një menaxher i mirë. Mund të stërvis futbollistët dhe të flas për futbollin, por të humbasësh si trajner ishte shumë e dhimbshme dhe nuk mund të jetoja me diçka të tillë.
“Si trajner duhet të jesh gjithmonë pozitiv te lojtarët, si babai me djalin, dhe kjo ishte diçka që nuk e bëja dot”, – tha Van Basten. Ky i fundit ka drejtuar Holandën, Ajaxin, Heerenveen dhe AZ Alkmar.
