Rooney ka dalë me karton të kuq gjatë çerekfinales me Portugalinë dhe Ronaldo shkaktoi një tërmet në mediat angleze kur u kap nga kamerat duke shkelur syrin drejt stolit portugez.
Për një kohë të shkurtër, Ronaldo u kthye në armikun numër një anglez dhe tani ka pranuar se kishte frikë të rikthehej në ishull. Gjithsesi, ai shton se nuk është penduar, duke shtuar se Rooney e ka falur.
Duke folur për Goalhanger, Ronaldo shprehet: “Media krijoi një dramë të madhe e cila nuk ekzistonte. Kështu që kur mbërrite në Angli kisha pak frikë, jo për shkak të Rooney-t, por për shkak të tifozëve anglezë.
“Ata e ekzagjeruan kur unë bëra atë gjest, por nuk ishte për shkak të Rooney-t, por për diçka tjetër.
“Ishte një periudhë e vështirë për mua sepse kur mbërrita te Manchester United, mendova se tifozët do të më vërshëllenin kudo që do shkoja.
“Por është pjesë e së shkuarës. Bisedova me Rooney kur mbërrita në Manchester. Jemi akoma miq, flasim rreth asaj çështjeje dhe ai e kupton këndvështrimin tim.”