Problemet për Napolin nuk kanë të mbaruar. Pasi iu hoqën 3 pikë për moszhvillimin e ndeshjes me Juventusin, skuadra e kaltër është befasuar mbrëmjen e sotme në aeroport. Avioni që transporton ekipin ka patur difekt teknik dhe inxhinierët e fluturimit bënë me dije se ishte e pamundur që avioni të fluturonte.
Ankthi dhe stresi ka vazhduar deri në orën 19:30 kur trajneri Gatuzo i ka kërkuar ekipit të kthehej në shtëpi dhe të përgatiteshin për nisje drej Bolonjës nesër në mëngjes.
Fatmirësisht, skuadra i ka shpëtuar për mrekulli një tragjedie të mundshme, por nga ana tjetër ndryshimi i axhendës për ndeshjen ndaj Bolonjës do të shtojë ngarkesën fizike dhe nervore te lojtarët, pasi sfida me Bolonjën luhet nesër në orën 18:00.
