Brazili ka mundur 2-0 Uruguain në javën e katërt të kualifikueseve për Kupën e Botës. Një nga golat e brazilianëve është shënuar nga juventini Arthur, i pari për të me fanellën e kombëtares.
Mesfushori ka shprehur gëzimin e tij në fund të ndeshjes, duke falënderuar edhe trajnerin e bardhezinjve Pirlo, që me sa duket ka merita për përmirësimin e tij.
“Goli im i parë? Është një ndjesi e papërshkrueshme. E kërkoja prej shumë kohësh, të shënosh është gjithmonë speciale, por goli i parë është akoma më shumë”, ka shpjeguar Arthur.
“Tite na trajton të gjithëve në të njëjtën mënyrë dhe ka një lidhje shumë të ngushtë me lojtarët. E dija se nuk grumbullohesha sepse nuk luaja te Barcelona. Por kam punuar për t’u kthyer”.
Merita te kthimi në kombëtare është edhe i Juventus-it të Pirlo-s:
“Pirlo? Është pa dyshim një trajner i madh, ka një eksperiencë të madhe në futboll, e di se çfarë ndiejnë lojtarët në fushë dhe po bën një punë të madhe. Kam shumë për të mësuar nga ai”.
