Mesfushori i Juventus-it, Adrien Rabiot, ka folur për Sky Sport pas fitores së arritur në Champions League kundër Dinamos së Kievit dhe në prag të derbit kundër Torino-s në kampionat.
“Mendoj se do të jetë një ndeshje e vështirë. PKjo sfidë vjen në një moment të vështirë për Torino-n dhe një fitore do të ishte shumë e rëndësishme për ata”, ka thënë francezi.
“Për ne është e rëndësishme të marrim një tjetër sukses pas paraqitjes së mirë të bërë në Champions. Historia e këtyre ndeshjeve e bën këtë takim, edhe pa tifozë, që të jetë shumë i rëndësishëm”.
“Ne do të duhet të bëjmë kujdes, sepse ata do të provojnë të fitojnë, por edhe ne. Duhet të vazhdojmë të përmirësohemi dhe duhet ta fitojmë këtë ndeshje me çdo kusht”.
