Paulo Dybala është kapur nga kamerat duke u tallur me Ronald Koemanin në sfidën që Barcelona e humbi 3-0 ndaj Juventusit në Ligën e Kampionëve.
Argjentinasi dhe pjesa tjetër e lojtarëve bardhezi ishin duke tentuar që të largonin Clement Lengletin nga fusha për një ndërhyrje: kërkonin karton të kuq.
Aty shpërtheu gjithçka. Trajneri Koeman nuk e pranoi atë sjellje, duke u thënë lojtarëve të skuadrës italiane që të mbyllnin gojën.
Dybala më pas filloi të tallej me trajnerin holandez, duke u qeshur para tij së bashku me bashkëlojtarët.
