“Cdo gjë mirë”. Fjalët e Nicolò Zaniolo gjatë kthimit të tij në Itali janë të pakta, por qetësuese. Në orët e fundit që ai u nis për në Innsbruck – në Austri – për të kryer një kontroll rutinë në gjurin e tij, i vizituar nga profesor Fink (kirurgu që e operoi atë në shtator), lojtari në fakt u kthye në Romë disa minuta më parë me dritën jeshile për të filluar vrapimin në Trigoria.
Një vizitë siguruese, e cila lejon Zaniolo të vazhdojë procesin e rimëkëmbjes në baza të rregullta dhe që tashmë nuk duhet të ketë frikë për të vazhduar procesin.
Roberto Mancini e pret te Italia e tij për kampionatin europian dhe gjithçka është e mundur. Por, në anën tjetër, edhe Roma dëshiron ta shohë në fushë sa më shpejt pasi talenti i Zaniolos nuk diskutohet aspak.
Ish-futbollisti i Interit ka qenë i pafat në këto dy vitet e fundit, për shkak të dëmtimeve të gjata dhe që e kanë frenuar disi rritjen e tij.
Roma sonte luan ndaj Torinos në kampionat dhe situata verdhekuqe duket mjaft e mirë, me ecuri rezultatesh dhe sidomos një repart ofensiv të mirë përpara portës kundërshtare.
