Është mbyllur edhe java e 12-të në Kategorinë Superiore, ku tashmë është përcaktuar edhe renditja.
Vllaznia e mbyll vitin 2020 si kryesuese me 26 pikë, ndërsa Teuta pasi mposhti Kukësin, renditet e dyta, teksa ende nuk njeh humbje për këtë sezon.
Vendi i tretë për Partizanin me 19 pikë, ndërsa Kukësi në kuotën të barabartë pikësh me Laçin, 17 pikë, teksa ndajnë vendin e 4-t dhe të 5-të.
Tirana kampione renditet në vendin e 6-të me 16 pikë, po aq sa Kastrioti i vendit të 7-të. “Luftë e ashpër” në fundin e tabelës, ku Bylisi, Skënderbeu dhe Apolonia janë afër me pikë.
