Pas një starti për t’u harruar, Arsenali i Mikel Artetës, po rikthehet më i frikshëm se kurrë këtë sezon.
“Topçinjtë” e nisën vitin me një triumf 0-4 në transfertë ndaj Uest Bromuiç, duke siguruar kështu fitoren e tretë radhazi në kampionat, pas një ecurie të gjatë rezultatesh negative. Tiernei hapi serinë e golave në minutën e 23, ndërkohë që Saka dyfishoi shifrat në të 28-tën.
Në fragmentin e dytë të lojës, Arsenali realizoi edhe 2 gola të tjerë me Lakazet që shënoi dopietë në minutat 61 dhe 64, duke vulosur kshtu “pokerin”. Me këtë fitore, “topçinjtë” u ngjitën në kuotën e 23 pikëve, duke u pozicionuar përkohsisht në vendin e 11-të. Në sfidën e radhës Arsenali do të presë në shtëpi Kristal Palasin.
