Zgjedhjet presidenciale për skuadrën e Barcelonës janë në rrezik për shkak të pandemisë, por kandidati kryesor Joan Laporta thotë se duhet të zhvillohen në datën 24 janar siç janë parashikuar. Autoritetet bënë presion, por Barcelona nuk ka ndërmend të ndalet dhe gjithashtu parashikon zhvillimin e zgjedhjeve.
“Shpresoj që të bëhen ashtu siç janë vendosur dhe data 24 janar duhet respektuar. Është një moment i rëndësishëm për klubin. Barcelona nuk mund të qëndrojë më shumë kohë pa president dhe pa bord drejtues. Çdo ditë që kalon është në të keq të skuadrës”, ka thënë Laporta.
Më tej ai vazhdoi edhe me temat e tjera si plani që ka për ringritjen e klubit. “Unë nuk do të përmend emra drejtorësh sportivë apo emra trajnerësh. I kam të qarta në mendjen time gjërat që do të bëj nëse zgjidhem president. Do ta rikthej Barcelonën aty ku ka qenë”, tha Laporta.
