Manchester Unitedi ka vazhduar me fitore në Ligën Premier, këtë herë ndaj West Bromi me rezultat 1-2.
Nuk ishte një lojë aspak e lehtë për Djajtë e Kuq pasi mysafirët luajtën në një nivel mjaft të lartë gjatë gjithë takimit.
Goli i parë në ndeshje erdhi nga mysafirët, ku Romelu Lukaku shënoi pas asistimit nga Marcus Rashford, kjo në minutën e 27-të.
Në minutën e 35-të shënoi Jesse Lingard, i cili u asistua nga Juan Mata dhe me rezultatin 0-2 përfundoi pjesa e parë.
Jose Rondon rrezikoi portën e Man Utd në minutën e 56-të, ashtu si Rashford një minutë më vonë. Golin e vetëm për vendasit e shënoi Gareth Barry në minutën e 77-të, ndërsa shans të mirë për të barazuar rezultatin kishte edhe Jay Rodriguez (85′).
Ndeshja e ardhshme e skuadrës së Jose Mourinhos është ndaj Leicester Cityt, kurse WBA ndaj Stoke Cityt.
