Konte duket të ketë gjetur vendosjen perfekte në mesfushë që nis mbi të gjitha nga Brozoviç, Barela dhe Vidal. Së pari nga kroati, i rikthyer nga trajneri zikaltër në rolin e “regjisorit” në skemën 3-5-2. Ndërkohë nga stërvitja e djeshme ka pasur lajme të mira për Konten: në stërvitjen e paradites, sipas raportimit të mediave itliane, kanë qenë të gjithë në grup përveç D’Ambrozios (që pritet të rikthehet në fund të shkurtit).
Pra, i rikuperuar edhe Sensi pas frikës së të mërkurës kur u ndal me Firencen. Formacioni është i ndërtuar, konfirmohen titullarët në çdo zonë të fushës.
Zotërim topi dhe ushtrime taktike në menynë e stërvitjes së djeshme në “Continassa”, ku Juventusi është ritakuar dje për të përgatitur sfidën ndaj Interit. Federiko Kieza dhe Ueston MeKeni, dy lojtarët e dalë me problem nga sfida e fundit e kampionatit e fituar ndaj Sasuolos, kanë punuar pjesërisht në grup dhe synojnë të jenë në fushë nga minuta e parë. Kushtet e italianit dhe amerikanit, megjithatë, do të vlerësohen ditën e sotme përpara sfidës, në stërvitjen e programuar për paradite. Pirlo ndërkohë pret edhe rezultatet e tamponëve për të kuptuar nëse mund të mbështetet tek Aleks Sandro e Kuadrado.
FORMACIONET E MUNDSHME