Zgjedhjet e për presidentin e ri të Barcelonës do të mbahen në 7 mars. Ky është vendimi i fundit i bordit drejtues të klubit katalanas. Lajmi është përcjellë nga stacioni radiofonik “RAC1”.
Proçesi për zgjedhjen e kreut të ri të klubit ishte caktuar të zhvillohej në 24 janar, por për shkak të situatës së vështirë prej pandemisë së koronavirusit, u vendos që zgjedhjet të mos zhvilloheshin në këtë datë.
Në garën për president të Barcelonës janë konfirmuar 3 kandidatë: Joan Laporta, Viktor Font dhe Toni Freiksa.
