Te Reali i Madridit janë dorëzuar për rinovimin e kontratës së Serxho Ramosit. Në emisionin “El Chiringuito” është analizuar situata e mbrojtësit spanjoll dhe raportohet se madrilenët e dinë që Ramos mund të largohet në fundin e kontratës.Sergio-Ramos
Ai ka refuzuar që të rinovojë me kushtet e vendosura nga klubi dhe Perez nga ana tjetër nuk ka ndërmend që të bëjë asnjë ndryshim. Kjo do të thotë se palët duhet të ndahen në fundin e këtij sezoni dhe do të jetë fundi i një epoke të lavdishme për Serxho Ramosin.
PSG-ja, por edhe shumë skuadra të tjera kanë shfaqur interes për futbollistin spanjoll, i cili do të ishte një goditje e madhe me kosto 0, edhe pse në moshën 34-vjeçare mund të bëjë diferencën.
