Real Madrid ka fituar raundin e parë të 1/8-ave të Champions League kundër Atalanta-s falë një goli të Mendy në fundin e takimit.
Megjithatë, në qendër të vëmendjes ka përfunduar kartoni i kuq i marrë nga Remo Freuler në pjesën e parë, i konsideruar shumë ashpër nga mediat sportive ndërkombëtare.
Një episod që është konsideruar si i dyshimtë edhe brenda shtëpisë së Los Blancos, më saktësisht nga Lucas Vazquez, i cili ka thënë për Moviestar+:
“Janë detajet që bëjnë diferencën në këto ndeshje. Kartoni i kuq për Atalanta-n? Ishte një aksion shumë i shpejtë. Nuk di të them nëse ishte i kuq apo jo. Di vetëm që goli i Mendy ka qenë vendimtar dhe jemi të gëzuar për të dhe skuadrën. Ka rëndësi fitorja”.
“Gjithsesi, e dimë se nuk ka mbaruar këtu dhe se është akoma edhe ndeshja e kthimit”.
