Po lëkundet stoli i Xhenaro Gatuzos. E ardhmja e trajnerit aktual të Napolit kalon pa dyshim nga sfida e Ligës së Europës me Granadën e programuar sot në stadiumin “Diego Armando Maradona”.
Sipas të përditshmes “Corriere dello Sport”, situata mund të përfshijë edhe Luçiano Spaletin, ish-trajnerin e Interit. Në hipotezën e një humbjeje tjetër ose të një dështimi, presidenti napoletan Aurelio De Laurentis mund të vendosë të paraprijë kohët e revolucionit, duke zëvendësuar Gatuzon.
Më i mundshëm mbetet rikthimi i Rafa Benitezit, i vetmi që ka shkuar përtej një telefonate eksploruese. Pista “Spaleti” mbetet e vështirë, edhe pse ka një kontratë deri në qershor me Interin. Ndërkohë që Sarri mund të konsiderohet për qershorin”.