Ditën e djeshme, drejtuesit e Kukësit janë lajmëruar se kapiteni Agim Ibraimi do t’i duhet të pushojë të paktën për ndeshjen e radhës ndaj Teutës. Nga rezonanca del se kapiteni ka lënduar ligamentin kolateral medial.
32-vjeçari po bën maksimumin për të qenë i gatshëm sa më shpejt, por janë mjekët që do të vendosin për të, ngaqë nuk duhet gabuar pasi rrezikohet dëmtim i rëndë, nëse nuk trajtohet siç duhet ky dëmtim. Ibraimi po bën terapi intensive dy herë në ditë.