Chelsea ka rilindur me Thomas Tuchel.
Megjithatë, gjërat mund të kishin shkuar ndryshe nëse topi do të kishte përfunduar në rrjetë disa herë më shumë. Ky është mendimi i Timo Ëerner, sulmues i bluve, që ka pranuar se ndihet përgjegjës për shkarkimin e Lampard.
“Kur shkon te një klub i madh për të luajtur si sulmues dhe shënuar gola, ndihesh pak në faj se ke humbur shumë raste dhe se nuk ke respektuar pritshmërinë”, ka thënë Werner për Sky Sports.
“Ndihesha në faj para syve të klubit, në fillim me Lampard dhe me veten. Dua të shënoj gjithmonë sa më shumë të jetë e mundur. Mendoj se po të kisha shënuar 4-5 gola më shumë, Lampard do të ishte akoma këtu, sepse do të kishim fituar dy ose tri ndeshje të tjera”.
