Më në fund ka lajme të mira për Liverpoolin dhe Jurgen Klopp. “The Reds” do të kenë në dispozicion dy lojtarë titullarë për ndeshjen e ardhshme ndaj Chelseat.
Sipas mediave angleze Fabinho është rikthyer nga dëmtimi, ndërsa së bashku me mesfushorin do të jetë edhe Alisson që do të vendoset nën urdhrat e Klopp.
Ndryshe nga Fabinho, portieri brazilian ishte larguar nga grumbullimi para disa ditësh për shkak se babai i tij ndërroi jetë fatkeqësisht. Tani, Alisson do të rikthehet dhe Klopp do të ketë dy titullarë në dispozicion për përballjen e fortë ndaj Chelseat.
Shenja të mira ka pasur edhe nga Diogo Jota, i cili po ecën mirë me programin e rikuperimit pas dëmtimit që mori në gju gati 3 muaj më parë.
