Një ditë më parë në Spanjë hapën një pistë të re për të ardhmen e Kylian Mbappe, duke përfshirë edhe Liverpool në garën e ekipeve që kërkojnë shërbimet e tij. Ky lajm nuk gjen konfirmim në Angli, me mediat në ishull që përjashtojnë këtë pistë, madje heqin nga gara edhe Man.City, një nga klubet e pakta që mund të përballojë kostot financiare të një transferimi të tillë. Sipas “Daily Mail”, vetëm dy janë pistat e hapura për të ardhmen e Mbappe, të rinovojë me PSG ose të transferohet në Madrid. Pavarësisht se ku do të vijojë karrierën e tij, sulmuesi francez është i qartë se çfarë kërkon në aspektin financiarë.
Gjithnjë sipas “Daily Mail”: Mbappe kërkon 35 milion euro neto në sezon për të rinovuar kontratën e tij me PSG që i skadon në qershor 2022. I njëjti diskutim edhe nëse nuk rinovon me PSG dhe Reali kërkon ta transferojë në Madrid, Mbappe mund të ndryshoj destinacion vetëm nëse spanjollët i plotësojnë këtë kusht mbi kontratë, 35 milion euro neto në sezon.
