Ish-legjenda e futbollit, Tieri Henri, me anë të një postimi ka njoftuar se do të mbyllë të gjtiha rrjetet sociale dhe arsyeja e tij është vërtet e fortë.
Francezi u shpreh se me anë të këtij veprimi kërkon të mbrojë kauzën e të drejtave të njerëzve që bien pre e racizmit, duke thënë se do të heqë dorë nga rrjetet sociale deri sa qeveritë të mbrojnë të drejtat e njerëzve ashtu siç mbrojnë të drejtat e autorit.
Një deklaratë e fortë kjo e ish-sulmuesit të Barcelonës dhe Arsenalit, që ka marrë mbështetje të shumë njerëzve dhe bëhet kështu sportisti i parë që lajmëron dorëheqjen nga rrjetet sociale.
“Përshëndetje djema. Nga nesër në mëngjes unë do të heq adresat e mia nga rrjetet sociale, derisa njerëzit në pushtet të jenë në gjendje të rregullojnë platformat e tyre me të njëjtën forcë dhe egërsi që bëjnë aktualisht kur shkelni të drejtat e autorit.
Vëllimi i madh i racizmit, ngacmimit dhe torturave mendore që rezultojnë për individët është shumë toksik për t’u injoruar. Duhet të ketë një farë përgjegjësie.
Është shumë e lehtë të krijosh një llogari, ta përdorësh atë për të ngacmuar dhe mbetesh anonim.
Derisa kjo të ndryshojë, unë do të çaktivizoj llogaritë e mia në të gjitha rrjetet sociale. Unë shpresoj që kjo të merren masa së shpejti”.
