Një lajm shumë i trishtë ka ardhur diëtn e sotme nga Spanja, ku është njoftuar se Marta Garcia, nëna e futbollisti Juan Mata, ka ndërruar jetë.
Marta u nda nga jeta mëngjesin e ditës së hënë, pas një beteje shumë të gjatë me një sëmundje të rëndë. Juan Mata ka qenë shumë i lidhur me nënën e tij dhe gjithmonë e ka shprehur diçka të tillë.
Madje, në një autobiografi të publikuar në vitin 2019 nga spanjolli, ai zbulonte se nëna e tij e telefononte gjithmonë para dhe pas ndeshjeve për ta pyetur për gjendjen e tij fizike. Vërtet ngjarje e dhimbshme për futbollistin e Manchester United.
