Nuk ka shpëtim: Jiangsu, klubi që ishte në pronësi të Suning, nuk është pranuar zyrtarisht në kampionatin e sezonit të ri në Kinë.
Ekipi kishte ndërprerë të gjitha aktivitetet në fund të shkurtit, pas njoftimit të lidhur me vështirësitë ekonomike të klubit kampion në fuqi të Superligës Kineze (CSL)
Jiangsu FC, pas vendimit të Suning për të shpërndarë ekipin, do të largohet zyrtarisht nga liga duke filluar nga sot dhe do të zëvendësohet nga Cangzhou Mighty Lions.
Në total, përveç Jiangsu, pesë klube në futbollin profesionist kinez nuk janë regjistruar për sezonin e ardhshëm, duke përfshirë tre në kategorinë e dytë dhe dy në divizionin e tretë.
