Trajneri i Barcelona-s, Ronald Koeman, ka folur për të ardhmen e klubit në prag të ndeshjes së kampionatit që katalanasit do të luajnë kundër Valladolid në Camp Nou.
“Kemi shfrytëzuar pauzën për t’u takuar me presidentin dhe stafin e tij, për të folur për këtë sezon dhe atë të ardhshmin, për atë që mund të jetë e rëndësishme për të ardhmen. Megjithatë, nuk do të flas për lojtarë që nuk janë tanët”, ka thënë Koeman.
Në lidhje me mundësinë e Barcelona-s për të marrë një yll verën e ardhshme, trajneri holandez ka theksuar se “nuk e di nëse është e mundur të merret një lojtar i madh ose jo. Kemi folur për blerje, por është presidenti që vendos, jo unë”.
