Elseid Hysaj do të largohet nga Napoli në fund të sezonit kur i skadon edhe kontrata, por e ardhmja e tij nuk dihet ende. Në mediat italiane së fundmi ka qarkulluar lajmi se për mbrojtësin e Kombëtares, ka shfaqur interes edhe Milani, me drejtuesit kuqezi, që e kanë piketuar për sezonin e ardhshëm.
Për këtë ka folur edhe agjenti i Hysajt, Mario Xhiufredi, i cili në një intervistë të dhënë për “Punto Nuovo Sport Show”, është shprehur se e ardhmja e Hysajt është ende e paqartë.
“E ardhmja e Hysajt është ende e pasigurt. Hysaj mund të luajë në shumë ekipe, jo domosdoshmërisht te Milani. Fati dhe e ardhmja e tij ende e pavendosur. Për të ardhmen e mbrojtësit do të vendoset edhe nga trajneri. Hysaj te Milani? Nuk kam asnjë koment për këtë, te shohim më tej.”, tha Xhufredi.
