Lufta për zonën Champions League në Serie A ndizet gjithmonë e më shumë pasi në pasditen e sotme, Juventusi, Napoli dhe Lazio (që ka një ndeshje më pak, atë ndaj Torino) kanë marrë fitore të vlefshme.
Skuadra e Pirlos i ka dhënë vazhdimësi paraqitjes së bukur ndaj Napolit, edhe në një pasdite ku ka munguar goli i Ronaldos.
Në fakt, kanë shënuar Kulusevski, Morata dhe McKennie, me në mes golin e miqve me Scamacca.
Napoli fiton në Xhenova ndaj Sampdoria 0-2 në një ndeshje totalisht të menaxhuar mirë. Fabian Ruiz realizon golin e avantazhit në pjesën e parë kurse në fund të së dytës Osimhen mbyll gjithçka.
Lazio gjen golin në frymën e fundit me Milinkovic Savic që vlen 3 pikët në Verona dhe tani shpreson gjithashtu të qëndrojë ngjitur me trenin “Champions”.