Pas 11 fitoresh radhazi, Interi i Antonio Contes ndalet në “Maradona Stadium” të Napolit, përballë skuadrës së Rino Gattuso.
Një ndeshje me emocione, por sidomos tre shtylla. Për zikaltërit, pjesa e parë totalisht e pafat me Lukaku që dy herë ndalet nga shtylla dhe tranversa, ndërsa është një autogol ai që i hap rrugën e avantazhit vendasve.
Një krosim nga e majta, De Vrij tenton ta largojë ndërsa Handanovic ta kapë. Përplasja mes të dyve prodhon topin në rrjetë.
Interi reagon në pjesën e dytë me goditje nga jashtë zone të Eriksen, me topin që përfundon në rrjetë. Ish-lojtari i Interit Politano tremb Conte & Co, duke goditur shtyllën.
Në fund, të dy ekipet pajtohen me nga një pikë. Interi vazhdon të kryesojë me tashmë 9 pikë larg vendit të dytë, Milanit, që fitoi ndaj Genoa-s.
